آمان دیلدن...
آمان یارب بو دنیاده اورکلر یاندیران دلدن
یانان دلدن، سینان دیلدن آمان ، هم سیندیران دلدن
آمان خلقی ویروب سانجان ایلانلار تک یامان سوزنن
یامان دلدن یالان دلدن ایمانین اوتلادان دلدن
ایلان ویرسا اگر توخدار یاراسی تز چیخار یاددان
ولیکن توختاماز طعنیله هر قلبی یانان دیلدن
محبت جمع ایدن تنها بو دنیاده بو خوش دیلدی
تلاش ایله محبت قیل محبت ییغ هرآن دیلدن
اوتوزموش فرض ایله عمرون دیلون تزویره تولانسا
آمان کید و ریائیله بو خلقی آللادان دیلدن
ویروب دل یاره سی سن خلقی آغلاتما بو دنیاده
دوتار بیر گون مکافاتی سنی آهی چیخان دیلدن
بهار عمریمی بذل ایتمیشم بیر دیل آچان یاره
اولار آیا بو جیران تک، غم و همّی آچان دیلدن
دیوللر که خدا عطری گلر هردم سنان دیلدن
محبتلی خداوندی چاغور دیلنن اینان دلدن
شاعر: اکبر پورآقا
تاریخ : یکشنبه 95/7/4 | 1:39 عصر | نویسنده : | نظر
.: Weblog Themes By Pichak :.
