سفارش تبلیغ
صبا ویژن

یتیشدی کاروان غم گنه دشت بلایه

گلوبلر اربعین شاه عطشاندا عزایه

حسینیم وای نواسی دولوبدور نینوایه

گلوب دلخسته زینب گنه کرب و بلایه

آخور گوز یاشی، سوسوز قارداشی

دوشوبدور یاده آغلور

گوزل یارینی، علمدارینی

کنار علقم اوخشور

---

نجه گوگدن یاغار رحمت بولود لبریز اولاندا

نجه وصله یتر معشوق شور انگیز اولاندا

نجه یاپراق آغاشلاردان قوپار پاییز اولاندا

اوجور محمللرین اوستن پریشانلار توکولدی

قورولدی مجلس غم قامت عالم بوکولدی

حسینیم وای نواسی دولوبدور نینوایه

گلوب دلخسته زینب گنه کرب و بلایه

آخور گوز یاشی، سوسوز قارداشی

دوشبدور یاده آغلور

گوزل یارینی علمدارینی

کنار علقم اوخشور..

---

بیری سسلور علی اکبر اویان تازه جوانیم

بیری سسلوردی قاسم هارداسان ای نوجوانیم

بیری اوخشوردی هاردا قالدی قولسوز قهرمانیم

بشیک الده یانوردی گوردیلر بیر دلکبابی

دیور بیچاره قویدون ای علی اصغر ربابی

بالا قرخ گوندی هر دم، غم اوستوندن گلور غم

یتیشدیم گیتمرم تا، قالاخ بو چولده با هم

سنی اوخشارام، سنه آغلارام

سوسوز طرلانیم اصغر

سینه داغلارام، دییب آغلارام

سوسوز قربانیم اصغر

شعر: اکبر پورآقا

سبک: خدایا عاشقان را.. عجب محشر یارادون کربلاده..

التماس دعا..





تاریخ : چهارشنبه 98/7/17 | 5:46 عصر | نویسنده : | نظر




  • paper | فروش لینک ارزان | بک لینک رایگان
  • آکوا - مصطفی | فروش رپرتاژ آگهی