سفارش تبلیغ
صبا ویژن

ای حسینی لر گلون بیر دم بو شعری خوشلیاق

فکر ایدک اول بیرآز اوندان حسینه آغلیاق

هیچ بیلورسوز که نیه بر هم اولوب برنامه میز

گوشی اللرده هامی آزاد اولوب رایانه میز

هیچ بیلورسوز که نیه اینترنتی آزاد ایدور

خانواده پایه سین دنیاده بر باد ایلیور

تلگرام، اینیستا و واتساپی ترویج ایلیور

چوخ جوانی نوجوانی کاملا گیج ایلیور

ایستیوللر قلبیلر دولسون تماما شبهیه

شک ایده ایرانیلر قلبینده دائم هر شیئه

بیرده ایستوللر که مردم کاملا مأیوس اولا

صحبت ملت فقط وا حسرت و افسوس اولا   

شایعه بازارینه دامن ویران آدم دگول

پیرو دین مبین حضرت خاتم دگول

احتکار و کم فروشی ایلین بیماریدور

هاریدور بدکاریدور مرداریدور کفتاریدور

ای حسینی لر گلون بیر دم بو شعری خوشلیاق

فکر ایدک اول بیرآز اوندان حسینه آغلیاق

فاطمه اوغلی قالوبدی چیخدی روحانی باشا

رسمیدور بو:خیره باشی چالدیرار دنیا داشا

گلدی روحانی دئدی منده گرک بیر کام آلام

بش گلم یا بیر اولام آمریکادان برجام آلام

آلدی برجامین نه تنها درده چاره اولمادی

کل دنیا داندی قولین عهده برجا قالمادی

چون اولار معاویه و شمر و یزیدون نسلیدی

هاموسی جلادیدی بیر نسلیدی بیر شکلیدی

اوللارین وضعی بیزه معلومیدور دشمن دیلر

بعضی اما هم وطن، هم یار اهریمن دیلر

ای حسینی لر گلون بیر دم بو شعری خوشلیاق

فکر ایدک اول بیرآز اوندان حسینه آغلیاق

هاردا امر ایتدی حسین مسئول اولان جار ایلسون

روزگار مردم بیچاره نی تار ایلسون

هاردا امر ایتدی حسین مسئولاری پورشه مینه

قیمت ارز و دلاری قالخیزا تا اون مینه

هاردا امر ایتدی که عورتلر چوله آزاد گله

هاردا امر ایتدی حسین ورزشگاها آرواد گله

هاردا امر ایتدی حسین، مسئولاری غم گورمیه

فیش حقوقینده هر آی میلیاردیدن کم گورمیه

او نماینده دونن رأیه چیخاردیردی گوزین

بئله کمیاب اولوب حتی ئوزی تاپمور ئوزین

بو نماینده که پولنان چیخدی شهره شوریا

بیلمور حتی شیتدی دوز یا تلخ یا که شور یا...

بیلمورم که او نماینده نجه ملاک اولوب

آج گلوب اما گیدنده، صاحب املاک اولوب

یا الهی خائن اشخاصی ئوزون تئز خوار ایله

مردمون حقین ادا ایتسین اونی وادار ایله

دوزدی که مسئولارین بیر عده سی ناپاکیدور

اختلاس و رانت و اخذ رشوده بی باکیدور

سیز ولی ای ملت ایرانی و پاک و غیور

ای غیوران ولایی پر از شور و شعور

پرچمی که سینه ده آرمی اونون آللهیدور

رنگ سرخی مظهر خون و شهادت خواهیدور

چوخ جوانلار بذل ایدوب بو پرچمه ئوز قانینی

هم باشین هم سینه سین هم پیکرین هم جانینی

سیز ولی راه شهیدانی گیدون ترک ایتمیون

گوز تیکون نور حسینه آیری یانه گیتمیون

واضح و روشندی واللهی بیزیم آینده میز

فتح ایدر کل جهانی مکتب پاینده میز

گوگلیمیز روشندی چونکه اولموشوق بیز با حسین

 مردم ایران دمادم سسلیلر یا حسین

 

شاعر: اکبر پورآقا

لطفا در کانال سبکنامه همراه ما باشید

http://telegram.me/sabknameh




تاریخ : دوشنبه 97/6/5 | 1:54 صبح | نویسنده : | نظر


  • paper | فروش لینک ارزان | بک لینک رایگان
  • آکوا - مصطفی | فروش رپرتاژ آگهی