سفارش تبلیغ
صبا ویژن

رحمت حق، حق دانیشان دللره

هم آتالار هم آنالار یکسره

چوخ سوزی تاپشیردیلار اولادینه

باخمادیلار مدرک و اسنادینه

بیزلره تاپشیردیلار اول پاک لر

خاکه گیئدن راهی افلاک لر

فاطمه اولادینه حرمت قیلون

حرمت ساداته همیت قیلون

واردی روایت، سندی معتبر

سینه به سینه دولانور بو خبر

فاطمه اولادینه حرمت ایئدن

اجرین آلار ام ابیهائیدن

صاحب الطاف و ذوالاحترام

فاطمه دور فاطمه دور والسلام

شامل حق رحمتیدور اهل قم

جنته هم رتبه اولوب شهر قم

تا که گلوب فاطمه آیینه سی

شهر قما حضرت معصومه سی

مردم قم حرمت ایدوبلر اونا

مفخر اولوبدور اودی قم ایرانا

مفخر ایران نه، که بلکه جهان

مفخر دنیائیله هفت آسمان

مردم قم ایلدی بیر شاهکار

بو عمل و فعلیده بیر نکته وار:..

..قدر بیلر گوهریلر گوهری

دوز سود اَمن عشقه اولار مشتری

فاطمه آدلی اولان اشخاص لر

فاطمیه راجع اولان پاک لر

گلسه اگر شهریمیزه میهمان

بذل ایدروک مقدمینه هامّی جان

چون بیلیروک مظهر سلم و سلام

فاطمه دور فاطمه دور والسلام

گوزلری یولدا قالان افغان ایدر

قلب ایوینی ، غصه لری قان ایدر

خانه ی احساسی اولان داغ کیمی..

..شخصه، نه ایتسه غم هجران ایدر

چاره ی هجران فقط وصلیدور

وصل هامی غملری درمان ایدر

آیریلیقی قاتما فلک غربته

چون غم و اندوهی دوچندان ایدر

کیم اوزاق اولسا رخ دلداریدن

گوزلرینی یوللارا قربان ایدر

یولدا قالان گوزلرینون اشکینی

خرمن احساسینه باران ایدر

منتظرونده چوخ اولار نسگیلی

خاک رهی سرمه ی مژگان ایدر

اولسا اوزاق شهریده گر قارداشی

خواهر رنجیده نی گریان ایدر

قلبی دولاندا غم هجرانیدن

تیز یوزونی سمت خراسان ایدر

عرض ایلیر دربه درم یا رضا

خواهر خونین جگرم یا رضا

شاعر: اکبر پورآقا




تاریخ : چهارشنبه 98/9/13 | 5:12 عصر | نویسنده : | نظر


  • paper | فروش لینک ارزان | بک لینک رایگان
  • آکوا - مصطفی | فروش رپرتاژ آگهی