سفارش تبلیغ
صبا ویژن

فاطمه دور دختر خیرالانام

همسری پیغمبره قائم مقام

اوغلی حسن ابن الامام الامام

بند دل و جانی حسین تاپدی نام

نائبه سی زینب شیوا کلام

فاطمه دور صاحب صلح و قیام

فاطمه دور مطلع و حسن ختام

فاطمه دور دردیمیزه التیام

سفره سینون ریزه خوری خاص و عام

درگه زهراده نقدری وارام

عشقینی من سیم و زره ساتمارام

خدمت ایدم هر نقدر دویمارام

قائل نوکرلیق اولام، اولمارام

کاش اولا که فاطمه اولسون آنام

آری ویرن عزت و جاه و مقام

فاطمه دور فاطمه دور والسلام

...

فاطمه بیر گوهر نایابیدور

فاطمه خورشید جهان تابیدور

کعبه که میلادگه نوریدور

فاطمه نون طوفینه بی تابیدور

فاطمه نون منکری هر رتبه ده

عمری بطالتده گچوب خوابیدور

فاطمه دور سجدیه عرشی سالان

گوهر ایمانی اونون نابیدور

فاطمه هر سجده ده معراج ایدور

ارض و سما گوشه ی محرابیدور

خانه سینون ظلمیله یانمیش دری

حضرت جبریل اوپن بابیدور

کوثری الله آدینا خلق ایدوب

چونکه اونون مهریه سی آبیدور

عشق حسینی بو حسینچی لره

قسمت ایدن مادر اربابیدور

صاحب عزاسی آقامون بیر کلام

فاطمه دور فاطمه دور والسلام

شاعر: اکبر پورآقا

 




تاریخ : شنبه 98/9/30 | 11:7 صبح | نویسنده : | نظر


  • paper | فروش لینک ارزان | بک لینک رایگان
  • آکوا - مصطفی | فروش رپرتاژ آگهی