قال الصادق(علیه السلام)

یاز قلم، خامه بوگون صدّیق لایقدن دیور

سوزِ دل سوزیمده، سُوز احوال عاشقدن دیور

رزق عاشق، سوزیدور عشق عالمی پروانه تک

سوز دل ، سُوز رأفت بی حد رازقدن دیور

رزقِ سوزِ عشقِ رازق، حضرت صادقده دی

قلبیدن طلاب عشقی عشق خالقدن دیور

نفسینی مغلوب ایدن کس لایق پیمانه دی

جام صادقده ، بلی انفاس فائقدن دیور

حجت و آیت بودور عالملره چون ، جلوه سی

بیر امام و بیر  طبیب پاک و حاذقدن دیور

منبر و وعظ خطیبان دینیچون شیرازه دی

منبر اوسته واعظان چون «قال صادق» دن دیور

قال صادق، قال باقر، قال زهرا فرقی یوخ

نور واحدور بولار، قرآن ناطقدن دیور

یوم میلادینده قلبیم چوخ داریخدی قبرینه

قبری آری گوندوزه، انوار فالقدن دیور

قوملی قبری قلبیمون صبرین آلوبدور ای بقیع

گوز یاشیم احوال زار قلب شایقدن دیور

آه چکسه کیم دئدی کرب و بلانون شاهینه

یوم محشر گوزلری آلامه    فارغدن دیور

شعر: اکبر پورآقا