زلزله ی دشمنان..

آقا قیام ایله آل پرچمون اله

ایلردی گوئلوموز ایستور اوگون گَله

گَل ذوالفقاریله مولا قیام ایچون

شاید بیرآز آناوون قلبی دینجله

دنیا دولوبدی سپاه یزیدیله

بیر یا حسینیله دنیانی سیلکَلَه

ظاهرده چوخلاری یول گوزلیور ولی

باطنده غفلته دل باغلیور هَلَه

قان آغلیور آقا چشمان منتظر

بیر نیم نگاهِ جمالونله ویر صله 

باخ هم عراقه هم یمنه داد قیل

آل سعود دَد منشی قانینه بَلَه

شمر و سنان گِنه طغیان ایدوبدولر

عشاقه امر ایله تا گوزلرین دَلَه

کفاری، مهدی آدی وحشته سالور

 مهدی دئمه دئنن کفاره زلزله ..

اکبر پورآقا