نوحه ی ترکی حضرت علی اصغر (علیه السلام)
«در سبک رد خون یه رد خونه.. آقای علیرضا افتخاری»
---
سنه لای لای چالارام هر گجه من خسته علی جان
گوزلیم هاردا قالوبسان او گوزل گوزلره قربان
بالا سن تشنه ئیدون منده سنه تشنه علی جان
سووا گیدون اوخا گولدون منی قویدون نجه نالان
----
هله ده قونداقووی سیلکلرم سینه مون اوسته
بشیکون ساخلیارام تا که قویام قبریمون اوسته
بالا شرمنده ربابون یوخودی چاره سی کوسمه
هله بارماقلاریوون ردی قالور قلبیمون اوسته
----
سنی تاری گجه یاری یوخوما گل، سن علی جان
یوخودا شاد اولارام من، سن اگر گولسن علی جان
او گولش لبلرووه خسته ربابون جانی قربان
گول اوغول گول، گوزلیم گول، گوزلیم سن سن علی جان
اکبر پورآقا
تاریخ : سه شنبه 94/5/13 | 8:14 صبح | نویسنده : | نظر
.: Weblog Themes By Pichak :.
