نوحه ی ترکی
شهادت حضرت رقیه(سلام الله علیها)
(سبک ایران ای سرای امید)
دور ای حسینون گل یاسمنی
دور ای قوری یرلر اولان وطنی
داریخمیشام آی بالا گوزلرون آچ
بیندان علاوه غمه سالما منی
ای باغریقان رقیه شیرین زبان رقیه
بیرده زینبلن دانیش یاتما اویان رقیه
---
دور ای آناما ئوزی بنزینیم
دور ای آتا غصه سینی ییینیم
کفن یوخیدی بالا جسموه وای
کفن یرینه قره سین گینیم
ای باغریقان رقیه شیرین زبان رقیه بیرده زینبلن دانیش یاتما اویان رقیه
ای غم الیندن اورگی یانانیم
نه بو گجه هر گجه آج یاتانیم
طبقده گلن قوناقین قانینی
حسرتیله ئوز گوزونه یاخانیم
ای باغریقان رقیه شیرین زبان رقیه بیرده زینبلن دانیش یاتما اویان رقیه
نیلی گوله بنزیوری بدنون
غساله گلوبدور ایده کفنون
نه حاله سالوبدی زمانه سنی
قمچی یری وار بدنونده سنون
ای باغریقان رقیه شیرین زبان رقیه بیرده زینبلن دانیش یاتما اویان رقیه اکبر پورآقا
.: Weblog Themes By Pichak :.
