اسور صرصر توکور باده ویرور گل عمرینی باده

نه رحم ایلور عزیز اشخاصه نه رحم ایلیور یاده

نه رحم ایلور اوشاقه نوعروسه یا که داماده

نه رحم ایلور سینان قلبه نه رحم ایلور دل شاده

پرستاران دوشوبلر زحمته چوخ هم اطباده

بولار فرزند ایراندی برای خدمت آماده

بولار ایثاردور یکسر دل و جان و سر و پاده

پرستار و اطبا پرچمی بالای بالاده

مجازی دارینون رسمی علاوه ضرب منهاده

نه باخمور مکنته واره نه باخمور شهرته آده

بو رسم دار دنیادورکه هر گون هر دم ایفاده

و دینجلمق خیالیدور بوتون آدملن اولاده

دونن صحبت گرانی دی بو گون صحبت کروناده

بو اللرلن بشر نیلوب یوولمور اللری ساده

تمدن مدعی سین گور فروشگاهلاردا دعواده

جهان یکسر بلایاده جهان یکسر تمناده..

..یتیش الله یتیش داده یتیش یارب بو فریاده..

که سنسن صاحب شوکت خلایق زار و افتاده

اولوب خلوت مساجد  هم معابد هم کلیساده

ولی دوشمور بو لبلردن، الهی یا خدایاده

که یعنی جلوه گرسن سن تماما کل اشیاده

شفا سن سن دوا سن سن خداسن سن بو ایجاده

سنون رحمون اگر اولسا؛ مشاکل حل اولار ساده

والا اولماسا لطفون ، باشا چیخماز بو انشاده

سنی ویروک قسم یا رب! او جانه قانلی دریاده..

..عرب اولدوردی غرق اولدی عزایه عرش اعلاده

 خداوندا کرم ایله ؛گله صاحب زمان داده

اکبر پورآقا