نوحه ی آغاز ماه محرم
دولاندی دوران مه ماتمدی
دسته لر الده قره پرچمدی
گلوب نوایه هامی عالملر
آغلور عزاده که محرمدی
حسین حسین ،یا حسین مولا
سالوبدی عالملره غم سایه
فصل عزا اولدی بو دنیایه
شوریله ماتم ائلیون برپا
وئرون تصلی هامی زهرایه
حسین حسین ،یا حسین مولا
اعلان اولوندی ماتم عظما
عظمادی سوگ و غم عاشورا
حقّون یولوندا غمه توش اولدی
عاشوریده صولدی گل زهرا
حسین حسین ، یا حسین مولا
نوحه دیوللر علی و طاها
سینه ویرانلار نوح و هم عیسی
تکیه اولوبدی جنت الاعلا
آغلیانی زینبیلن زهرا
حسین حسین ، یا حسین مولا هر بیری بیر یاره عزا ساخلیور
بعضی علمداره اورک داغلیور
بعضی جوان شهیدلری اوخشیور
بعضیسی ده ربابه چوخ آغلیور
حسین حسین ، یا حسین مولا بعضی دیور جان سنه قربان حسین
بعضی دیور اصغره قربان حسین
الده بوغازی هدف تیر اولان
نهر اولونان حنجره قربان حسین
حسین حسین ، یا حسین مولا بعضی دیولر که عالمداره باخ
همّته باخ مرام سرشاره باخ
جانینی قربان ائیلیوب عشقینه
قانلی علم اوستکی گوللاره باخ
حسین حسین ، یا حسین مولا بعضی دیور اکبروه جانفدا
قاسم مه پیکروه جان فدا
تشنه دوداقونده اولان سوزلره
نیزه دگن حنجروه جان فدا
حسین حسین ، یا حسین مولا ای شه عطشان سلام علیک
پیکری عریان سلام علیک
غسلی قیزیل قان سلام علیک
شاه شهیدان سلام علیک
قیزلاری نالان سلام علیک
قاری قرآن سلام علیک
نیزه لر اوسته باشون یا حسین
شمس اسیران سلام علیک
حسین حسین ، یا حسین مولا
شعر: اکبر پورآقا
.: Weblog Themes By Pichak :.
