بو غم نه دور عالمده دنیا نیه ماتمده
آدم قره پوش اولدی پیغمبر خاتمده
جنتده زهراده آغلار حسینه
سینه سین معناده داغلار حسینه
هر مأذنیه صوت قد قامت غم گلدی
یر اهلینه درمانه بیر قاره علم گلدی
عرش حق اعلادن دنیایه بو دم گلدی
داغلا سینوی سنده ای شیعه محرمده
جنتده زهراده آغلار حسینه
سینه سین معناده داغلار حسینه
احرام عزا باغلا کوشش ایله همتده
نیت ایله گوز یاشون جوشه گله هیئتده
گر اولسا عزادارون اخلاصیله نیتده
شأنینده ایدر غبطه عیسائیله مریمده
جنتده زهراده آغلار حسینه
سینه سین معناده داغلار حسینه
سس قؤش دم زهرایه، آغلا غم مولایه
هم قاسمه چوخ آغلا هم نوگل لیلایه
هم مشکه عزا ساخلا هم قامت رعنایه
قولاری ابوالفضلین دوشدی یره، پرچمده
زهراده معناده سسلر ابالفضل
ای وفا اهلینه سرور ابالفضل
هیچ قارداش ابالفضل تک دلدار وفا اولماز
هیچ عاشق ابالفضل تک بردار وفا اولماز
حیدر یلی تک والله سردار وفا اولماز
با اینکه آلوب نهری سو ایشمدی علقمده
زهراده معناده سسلر ابالفضل
ای وفا اهلینه سرور ابالفضل
گلمز حد و مقداره ایثاری ابالفضلون
باخ گور بو روایتده معیاری ابالفضلون:..
...«محشرده شفاعتگر قوللاری ابالفضلون»
غبطه ایدر عباسه اصحاب مقدمده
زهراده معناده سسلر ابالفضل
ای وفا اهلینه سرور ابالفضل
شعر: اکبر پورآقا
.: Weblog Themes By Pichak :.
