شعر و مولودی ترکی میلاد با سعادت حضرت صاحب الزمان(عج)
یوسف زهرا گله جاق
نگران اولما گوگل ماه دلآرا گله جاق
گله جاق دین حقی ایلیه احیا گله جاق
گله جاق یوسف گم گشته ی زهرا گله جاق
انتقام آلماقا امّید احبّا گله جاق
طور سینایه قدم قویماقا موسی گله جاق
حضرت مهدی ئوزیلن گتورر چوخ برکات
دیریلر حُجب و حیا و دیریلر صوم و صلات
قویماز عاشقلرینی تک قالا در حال ممات
ایستیورسوز تاپاسوز روز قیامتده نجات
آقامین گول یوزینه گوندرون عالی صلوات
آقامیز گلسه بیزه راه سعادت آچیلار
ئوز الیله آقامین پرچم نصرت آچیلار
دردمندین یوزونه باب کرامت آچیلار
فقرانین اورگین شاد و خرامان ایلیر
اولارین گیزلین اولان دردینه درمان ایلیر
پرچم نصرمن اللهی آلان وقته اله
حق مظلوملری آلماقا ایلر عجله
قالاجاق عالمیان هیبتینه اوندا وله
حقی وار اهل جهان پرچمین آلتیندا گله
بیله جانلار بو گلن فاطمه نون دلبریدی
وارث خون خدا ارض و سما سروریدی
چوخ دلآرا یارانوب حضرت زهرا گوزلی
دادرس خلق ایلیوب بیزلره حیّ ازلی
عالمی روشن ایدر شمع فروزان علی
نوری خفاشلرین طاقتینی الدن آلار
تیغی وهابیتین جاننه مین رعشه سالار
جانیمیز گر اولا لایق اونا قربان ایدروک
آقانین مقدمینه بذل سر و جان ایدروک
کل دشمنلرینی وارد نیران ایدروک
خدمتینده آقانین برگ مثالی اسروک
آدینا چپ باخانون تیغیله نسلین کسروک
شاعر: میثم اکبری
.: Weblog Themes By Pichak :.
