قرا چکیلدی عالمه- شهید اولوب امامیمیز
بقیعده کی مزارینه- اولا بیزیم سلامیمیز
عزا دوتوبدولار خلایق
شهید اولوب امام صادق
فلک نواده آغلیور مَلک سماده آغلیور
نواده روح و انس و جان گلوب عزاده آغلیور
امام صادقین غمین سالوبدی یاده آغلیور
دیور بیله که تا هامی غریب ئولوب امامیمیز
عزا دوتوبدولار خلایق
شهید اولوب امام صادق
معاویه صفت عدو یتوردی ظلمی سرحده
علی آدیلا چون هله شماتتیله کینه ده
حبیب اولاد علی غریب ائولور مدینه ده
شبیه یاس و لاله لر نئجه سولوب امامیمیز
عزا دوتوبدولار خلایق
شهید اولوب امام صادق
گوروبدی تا که درگهین اود بورویوب یانایانا
زبانه های آتشی چکوبدی شعله هریانا
ایدوبدی ناله جان آنا نه چکدون آی جوان آنا
شبیه فاطمه گورون نلر چکوب امامیمیز
عزا دوتوبدولار خلایق
شهید اولوب امام صادق
نه مهلتی وروبدیلر نماز آخرین قیلا
نه قویدیلار بالالارین گئنه قوجاقینه آلا
جسارتیله چکدیلر، تاآناسین یاده سالا
چراغ عمری جوردن داها سونوب امامیمیز
عزا دوتوبدولار خلایق
شهید اولوب امام صادق
الینده یوخ عصاسی پس بو قوجا سیدین نیه؟
عمامه سیز چکوبدیلر امامی صحن کوچیه
عزیز زهرادی آقام ، اولمادی بیر نفر دیه!
جور و ستم پرپر ائدیب شهید اولوب امامیمیز
عزا دوتوبدولار خلایق
شهید اولوب امام صادق
دئدی غمیله آی آنا، شأنیمی سیندیریبدیلار
جسارتیله جوردن دیل یاراسی ویریبدیلار
سنی ویرانلار آی ننه قلبیمی یاندیربدیلار
فلک ستمله توش اولوب سینیب گئنه تفاقیمیز
عزا دوتوبدولار خلایق
شهید اولوب امام صادق
شعر: اکبر پورآقا
لطفا جهت دریافت یا شنیدن یکی از سبک هایی که می توان این شعر را خواند اینجا کلیک فرمایید.
.: Weblog Themes By Pichak :.
