وصلت دریا...
حمدلِللّه یارادوب حضرت طاهانی بیزه
فرض ایدوب ولایت، علی اعلانی بیزه
بذل ایدوب محبت حضرت زهرانی بیزه
گستروب حسنله چون سفره ی احسانی بیزه
باب رحمت یارادیب شاه شهیدانی بیزه
جلوه ی عرش ایلیوب شهرخراسانی بیزه
مشهدون جلوه سینه کعبه ی اعلاسینه باخ
طوفیده حاجیلرون نوا و احساسینه باخ
---
بوگجه یرده نه وار عرش تماشایه گلور
عرشیان مژده ئیلن درگه موسایه گلور
نجمه خاتون بو گجه دامن زهرایه گلور
باب حاجت بالاسی نازیله دنیایه گلور
سایه سینده سیخیلان جنت طوبایه گلور
اهل جنت هاموسی سایه ی سینایه گلور
قطره لر جمعلنوب وصلت دریایه گلور
صف چکوب آزاده لر، بنده تمنایه گلور
آدمی صیده سالوب عالمی دلشاد ایلیور
دوشدی کیم بندینه تئز، قیدیدن آزاد ایلیور
---
آری تا ایستسه حق مریمه عیسی یارادار
نفسینه باش اگمیین عبده، زلیخا یارادار
عرش اعلا یارادار جلوه لی دنیا یارادار
غنچه و گل یارادار شاخه ی طوبی یارادار
عشق و مجنون و غم و غمزه ی لیلا یارادار
کاف و ها و یا و عین و سین و طاها یارادار
حیدری فاطمیه، حیدره زهرا یارادار
اون ایکی نوریلی آی رهبر و مولا یارادار
رهروان دینینه سید و آقا یارادار
ملک و ایوان نجف، دلبر و زیبا یارادار
درد و آلامه شفا تربت اعلی یارادار
هم خراسان و قمی باغ مصفا یارادار
شهر مشهده بیزه شمس مطلا یارادار
جلوه سی روشن ایدر هم یری هم نه فلکی
جذبه سی طوفه چکر بو یره گوئدن ملکی
شعر: اکبر پورآقا
.: Weblog Themes By Pichak :.
