سنون گللرده شهدون وار... (گلها شهد تو را دارند...)
ولی اللهسن حقه علی مرتضا مثلی
محبت کانیسن خلقه نبی مصطفا مثلی
نگاهون چوخ اثر ایلر بو جانی دیده تر ایلر
اگر بیر لحظه ده باخسون بو جانه اقربا مثلی
گچور گوگلومده بوسوزلر منی نیلور آقام آخر
اونا واردور نه چوخ بهتر وفالی اوصیا مثلی
دعا جلب نظر ایلر اگر دوتسا نلر ایلر مسیری مختصر ایلر یاغار رحمت سحا مثلی نچه گوندی نوا ائتدوم سحرلرده دعا ایتدیم
دیدیم شاید یولا گتدوم بو نفسی اولیا مثلی
عَجب عُجبی دوتارموش نفس بو عُجبوندن قوتارموش نفس
نجه یولدا قارلارمیش نفس حمار فی ریا مثلی
گلرالدن دوتان یاور، گلر عدله اولان مظهر
منه ال دوتماقی باور، اولوب شیر خدا مثلی
منی سن عفو ایله آقا! گل ایتمه چوخ گله آقا!
گتور عبدی دیله آقا! سفیر و رهنما مثلی
سنه من مشتری اولدوم! گزللردن بری اولدوم!
اسیر دلبری اولدوم! او مجنون، بی نوا مثلی
منی آقا سوا ایله! بو دنیادن جدا ایله!
فناء فی لقاء ایله! شهیدان خدا مثلی
سنون گللرده شهدون وار! دعای عهده عهدون وار!
هامی دللرده مهدون وار! عزیز و دلربا مثلی
سحر مهمانوم آقا! خم میخانوم آقا!
بئله قربانوم آقا! شهید کربلا مثلی
شعر: اکبر پورآقا سحرگاه25 رمضان1434
معنی فارسی بیت یازدهم: همه ی گل ها شهد تو را دارند و تو نیز بر دعای عهد خود پایبندی و همه ی دلها مهد و زمزمه ی نام زیبای "مهدی" تو را همچون عزیزی دلربا در خود دارند. ...
.: Weblog Themes By Pichak :.
