مدح و مرثیه حضرت زهرا(سلام الله علیها)
ای دوشن غملر الیندن محن و واهیمیه
چوخ داریخما یتیشوب فصل غم فاطمیه
سس سالوب عرشه ملک ،گلدی فلک زمزمیه
آغلیور نوحه دیور الده ئولن فاطمیه
دردون اولسا دئمرم حاذیق اطبایه دئنن
دردوی صدقیله گل حضرت زهرایه دئنن
کیمدی زهرا که اولوب محرم اسرار علی
گوردی یاران داغیلوب باشدان، اولوب یار علی
کیمدی زهرا ئوزی تک حیدر کرار علی
حق بیلوردی علینی اولدی طرفدار علی
یر ئوزونده علییه فاطمه تک یار اولماز
یار زهراده به جز حیدر کرار اولماز
کیمدی زهرا که اولوب آسیه لای لای دیه نی
مریم و کُلْثَم و ساریله بشیک ترپه دنی
حضرت فاطمه دی ماخلقون شیرزنی
حُسنونه بسدی بو مطلب، بئجروبدور حسنی
زینبه درس ویروب بزم عزایه بئجروب
نازنین لاله سینی کرب و بلایه بئجروب
کل افلاک و ملک حضرت زهراده گوزی
خلقت ما خلقون ام ابیهادی کوزی
بویوروب ختم رسل حضرت طاها بوسوزی
فاطمه پاره تنیمدی منه جاناندی ئوزی
عاشق فاطمیه، اجر و جزا، جنّت اولار
دشمن فاطمیه، زجر و بلا قسمت اولار
بو سوزون مدرکی هم شیعه ده هم سنّی ده دی
فاطمه دخت نبی، یار علی شهیده دی
مدفن و قبری اونون گیزلین اولوب بقیعده دی
فاطمه رضایتی ولایت علیده دی
تا گوروب تکدی علی یاور اولوب دلبرینه
کوثر ختم رسل صفدر الوب حیدرینه
سسلدی فاطمیم حیدریمون یاوریم
تک قالان رهبریمون یک تنه من لشگریم
قولی باغلی آقاما میمنیم میسریم
یوز بئله اولسم اگر من گیئنده حیدریم
آقاما جانیمیلن دورت بالا قربان وئررم
ئوزومی هم ائلیمی من اونا قربان ائدرم
باغلیوب سوز قولونی سیز تانیون حیدردی
سید و میر عرب فاتح صد خیبردی
حرص جاهی یوخ اونون دیندی علینون دردی
رسمیدور مَرده مسلط ایلمک نامردی
اهل دنیا الینی آچدی ضلالتدن الی
راه اسلامه گوره دوشدی بوگون بنده علی
اجر امر نبوی اولدی حدیث ثقلین
امر ایدوب نبی سیزه امر خداوندی یقین
اهل بیتییدی که تاپشیردی سیزه امانتین
بیرده قرآندی امانت سیزه بونور مبین
شعله و آتشه بو درگهی آماج ائیلدوز
اجر پیغمبری سیز ظلمله تاراج ایئلدوز
من نبی گلشنینون کوثر دردانه سیم
من علی شمعینه مدهوشم و پروانه سیم
یاریمون یاورینون اجرینه پیمانه سیم
غصه لی حیدریمون یاره لی ریحانه سیم
غصه لی قلبینه بو یاره قولوم قرباندی
رکن عالمدی ولی کوچه ده سرگرداندی
اکبر پورآقا
.: Weblog Themes By Pichak :.
