نوحه ی ترکی اربعین
((در سبک:عجب محشر یارادون کربلاده یا ابالفضل))
یتیشدی زینبون کرب و بلایه ای حسینیم
گلوبدی اربعینونده عزایه ای حسینیـــم
گلوب زینب پریشان*غمین و زار و نالان
شفا وار تربتونده*اولار هر درده درمان
زمان و زمین*دوتوب اربعین
سنه قارداش حسین جان
---
گیدنده قویمادی دشمن غمونده آغلیام مــــن
او یاره پیکروندن قان آخاندا باغلیـام مــــن
نه امکان اولمادی سینه یاسیندا داغلیام مـــن
گلوب ایندی باجون زینب نوایه ای حسینیم
گلوب زینب پریشان*غمین و زار و نالان
شفا وار تربتونده*اولار هر درده درمان
زمان و زمین*دوتوب اربعین
سنه قارداش حسین جان
---
فراق و درد هجران تز ایدر هر جانه تاثیــر
منی دیندیرمسونده دور رباب زاری دیندیر
دنن آل قانلی قنداقی قوجاقه بیرده گزدیـر
فدا سینونده کی تشنه بالایه ای حسینیـــم
گلوب زینب پریشان*غمین و زار و نالان
شفا وار تربتونده*اولار هر درده درمان
زمان و زمین*دوتوب اربعین
سنه قارداش حسین جان
---
خجالت اولدی زینب قلبینه غم لانه سالدی
خرابه گوشه سینده نازدانون صبریم آلـدی
رفیق نیمه راه اولدی رقیه اوردا قالــــــدی
عزالی قلبیمی سالدی بلایه ای حسینیـــــم
گلوب زینب پریشان*غمین و زار و نالان
شفا وار تربتونده*اولار هر درده درمان
زمان و زمین*دوتوب اربعین
سنه قارداش حسین جان
شعر: اکبر پورآقا
.: Weblog Themes By Pichak :.
