به مناسبت بازگشت حجاج بیت الله الحرام از سرزمین وحی به میهن
زیارت مدینه صفالی گونلریدی
مدینه چونکه شهرزهرا و حیدریدی
مدینه شهر قرآن مدینه شهر ایمان
مدینه ده دیردی فاطمه یا علی جان
نصیب ایله کرمدن ای کرم آبروسی
هر کسه وار اورکده مدینه آرزوسی
بقیعی قسمت ایله به جَمعه یا الهی
منده ایدوم بو جمعی بیر گونی حجه راهی
چتین اولار آیریلیخ آمان وداع الیندن
غریب اولار خبردارغریبیلر غمیندن
گلنده آیریلاندا مدینه دن آلیشدیم
یواش یواش اورکده حسینیله دانشدیم
دئیدیم جانیم جمال جان جهانه قربان
ترک ایده بیلمورم من مدینه نی حسین جان
مدینه دن گلور چون عطر وجود زهرا
بقیعیده دفن اولوب دختر پاک طاها
بقیعیده بیرده وار دورد قمرون مزاری
غمین و پر ز غصه در خور آه و زاری
امام مجتبی و زین العباد قبری
هر باخانون الیندن آلور قرار و صبری
بیرده امام باقر دفن اولونوب او یرده
غربت قبر صادق قلبیمی سالدی درده
بقیع گوشسینده یانور هله چوخ حزین
ستاره تک گورسنور مزار ام البنین
اوخور؛ گل بنینیم هایانداسان ابالفضل
بی کس اولوب حسینیم هایانداسان ابالفضل
اکبر پورآقا
.: Weblog Themes By Pichak :.
