مولا اباصالح..

 یول گوزلیوروخ تا چیخا خورشید،عیانه

ای شیعه لرون صاحبی ای شاه زمانه

قویدی اورگی غملی فراقون یانه یانه

وقتی که آخور اشک تر حاجت نه بیانه

پس سن ویروسن وصلتووه وعده هاچانه؟

دوزدور که آقا یاخچی مرید اولماموشام من

گاهی سنی گاهی یولووی بوشلاموشام من

بار گهنمیلن اورگون اودلاموشام من

گاهی شهوات و گنهی خوشلاموشام من

اما وار امیدیم کرم و رحمت و خوانه

گل شیعه لرون دادینه ای وارث طاها

زندانه دونوب شیعییه هر گوشه ی دنیا

ای مرهم داغ دل غمدیده ی زهرا

گل تشنه دی هم عالم و آدم سنه مولا

ای بارش رحم و کرم و نوره بهانه

ای کرب و بلا منتقمی داد ایله تز گل

مظلوملرون دادینه امداد ایله تز گل

عدل علوی دولتی ایجاد ایله تز گل

ظلمون ایوینی عدلیله بر باد ایله تز گل

تز گل آقا تا شیعه لرون چاتسون امانه

اکبر پورآقا

---

در سبک: ای تیر غمت را دل عشاق نشانه...