نوحه و شعر ترکی شهادت حضرت امام جواد(علیه السلام) و گریز به داغ جانسوز حضرت علی اکبر (علیه السلام) به همراه سبک
هر کیمون تکیه بیر یاره واری
وای او گوندن دؤنه ماره یاری
گور بو ماتم نقدری آغیردی
ایلیوب دشمنون آه و زاری
سهم دوران سنه محنت اولدی
بارگاهون بیزه جنت اولدی
مجتبا تک سنون اوز ایوینده
همسرون قتلوه علت اولدی
اولدی آدون دوا همّ و غمّه
قیل نظر یا جواد الائمه
حتمی زهرا گلر بو عزایه
اوخشیوب آغلار ابن الرضایه
هیچ عزای جوان خلوت اولماز
مجلسون جلوه ایلور سمایه
سینه بو روضیه داغلاروخ بیز
بزم ماتم سنه ساخلاروخ بیز
اولمادق گر سنه جان فدایی
ایندی هیئتده قان آغلاروخ بیز
"اولدی آدون دوا همّ و غمّه
قیل نظر یا جواد الائمه"
ایستدی دشمنی کامه چاتسون
فاطمه نیسگیلین تا چوخاتسون
ام فضل لعین سس سالوبدی
تا امامون سسی ایوده قالسون
اَل چالولّار کنیزلر سراده
هیچ کمک اولماسون تا جواده
بیردا دشمن ایدور شادی اما
آغلیور قان ملکلر سماده
"اولدی آدون دوا همّ و غمّه
قیل نظر یا جواد الائمّه"
قانیلن قلب زهرا دولوبدی
لاله تک بیر بالاسی سولوبدی
بیلسه قلبی یانار هر محبّون
ایگرمی بش یاشدا مسموم اولوبدی
بامیده گون قباقینده قالدی
گلدی قوشلار اونا کولگه سالدی
بو جوانون غمی صبریم آلدی
کربلا ماتمین یاده سالدی
"اولدی آدون دوا همّ و غمّه
قیل نظر یا جواد الائمه"
گلدی بالینینه اوز بالاسی...
...تا ئِشیدی اونون آه و واسی
کربلاده گلوب اوز جوانین...
...باشی اوسته لب عطشان آتاسی
سسلدی جان بالا اکبریم دور
اشبه الناس پیغمبریم دور
کاش اولا بدنظر گوزلری کور
یاره لی مادره بنذریم دور
"اولدی آدون دوا همّ و غمّه
قیل نظر یا جواد الائمه"
بیردا دوردی نمازه بالاسی
اوردا قویدی عبایه آتاسی
سسلدی قارداشیم گل هرایه
گورسه تاب ایلینمز آناسی
پرپر اولموش لالام گل ابالفضل
اوخلانوبدور بالام گل ابالفضل
گور نجه یاره دی دیل، دوداقی
اولمادی کام آلام گل ابوالفضل
..............................................
ای علمدار لشگرابوالفضل
گل گولوم اولدی پرپر ابوالفضل
((رسم او ساعتدن اولدی که هر کس
مشکله دوشسه سسلر ابوالفضل))
ای آدون بنده لر، ایچره رایج
سسلرم منده "باب الحوائج"
(درسبک کاروان رفته منزل به منزل)
«اثر طبع اکبر پورآقا»
قسمتی از معنی فارسی بیت های آغازین شعر: هر شخصی در عالم بهرخویش یاری برمی گزیند و امان از یاری که در ظاهر یار و در باطن دشمن باشد. (به قول معروف کنایه است از: مار در آستین پروراندن).
داغ و ماتم شما(امام جوادعلیه السلام) آنقدر جانسوز بود که حتی قاتل تان هم به گریه افتاد.سهم روزگار برای شما محنت بود و بارگاهتان برای ما همچون جنت است و همچون عموی بزرگوارتان امام مجتبی(علیه السلام) علت و باعث شهادتتان همسر تان گردید...
ثواب کتابت و نشر این شعر هدیه و تقدیم به روح پرفتوح امام راحل(ره) و شهیدان هشت سال دفاع مقدس و همچنین شعرای عالیقدر آذری زبان استاد یحیوی و حاج انور اردبیلی و رحیم منزوی و ...
.: Weblog Themes By Pichak :.
