نوحه ی ترکی شهادت امام محمد باقر(علیه السلام)

درسبک "من مانده ام تنهای تنها"

  -----------------------------------------

قاره گیوب عالم حزنده ،آغلار ملکر بو محنده، هم حسینده هم حسنده

اولدی شهید امام باقر، ماتم اولوب عالمده دائر، ئول بقیعه سنده زائر

ای وای دیور زهرا آناسی، غملیدور چوخ آه و واسی

آغلور عزاده اقرباسی، ماتمینده ئوز بالاسی

-----------------------------------------

بو اشکبار نینوادی، چون غصه دارکربلادی، دردون اولسا گر دوادی

غمدن گلردی شور و شینه،آغلاردی چوخ میر حنینه، مظلوم ئولن بیکس حسینه

روضه دیوب ماتم دوتاردی، غم گونون یاده سالاردی

هر روضه دن آرتوخ ربابین، نوحه سی صبرین آلاردی

-----------------------------------------

 یازور قلم شوریلن احساس، اذن اگر ویرسه گل یاس، من یازام تا نام عباس
ربابیلن هم ناله قیزلار، اصغره لای لای اوخولار: ساغدی سقا، ای سوسوزلار
لب تشنه مشکی دوشه آلدی، ائوز یولون نهر اوسته سالدی
دولدورب مشکی اوجالدی، سو یانیندا تشنه قالدی

 -----------------------------------------

 یول سالدی نخلستانه سقا، فکر ایدور جانانه سقا، خیمده افغانه سقا:
قیزلار حرمده دیده تردی، سقا! رها ایله نبردی، قوللاریم مشکه سپردی
اخیامیده اولدوزلارین وار جلوسینده، خسته سو سو
دلدن دوشن لب تشنه آهو، ایستیور سو، ایستیور سو

 -----------------------------------------

گلدی قاچانلار صیدِ شیره، اولدی هدف باران تیره، دگدی اوخلار بو امیره
داشلار یاغولّار ذیغم اوسته، سقا دوشوبدی علقم اوسته، قانلی قولّار پرچم اوسته
سسلندی: گل قارداش هرایه،آه و وایه آه و وایه
گلدی آنون زهرا نوایه،کربلایه کربلایه

شاعر:اکبر پورآقا

معنی فارسی بند اول شعر: عالم در حزن و اندوه است و ملائک هم در آسمان با حسنین (علهمالسلام) گریانند.-توضیح اینکه مادر امام محمد باقر (ع) فاطمه دختر امام حسن مجتبی (ع) بوده است.-